沙拿續約。(利物浦官網)

1/3

2/3

3/3

利物浦周五(11日)宣布，埃及前鋒穆罕默德沙拿正式續約，據報新約去到2027年夏天。利物浦7月訪港，沙拿有望隨隊駕臨！

經歷長時間談判拉鋸後，原本夏天約滿嘅沙拿終於動筆續約，沙拿表示：「我好興奮！我哋依家有支偉大球隊，利物浦以前都有偉大球隊，而我續約係因為我相信我哋有機會贏冠軍，同埋享受足球。」

就快33歲嘅沙拿今季持績有好表現，各項賽事上陣45場入32球，當中27球喺英超射入，現時為聯賽神射手，此外，佢亦造出22球助攻，係紅軍今季大有機會重奪聯賽冠軍重要角色。

沙拿2017年由羅馬加盟利物浦，為球隊上陣394場入243球，8年嚟為紅軍贏得7個重要冠軍，包括英超、歐聯、世冠盃、歐超盃、足總盃及2次聯賽盃，今季如無意外，將會袋多一個英超冠軍獎牌。